Баш ҡалала «Ғаилә һәм балалыҡ донъяһы» форумы асылды

Проект баш ҡалала һәм төбәктә йәшәүселәр өсөн эшлекле программаны, махсус күргәҙмәне, төрлө әүҙемлектәрҙе һәм интерактив майҙансыҡтарҙы берләштерҙе.

Күргәҙмә-форумды асып, Башҡортостан Хөкүмәте премьер-министры урынбаҫары - финанс министры Лира Иғтисамова, Башҡортостанда ярты миллиондан ашыу балалы ғаилә йәшәй, уларҙың 50 меңдән ашыуы - күп балалы ғаиләләр, тип билдәләне. Был республиканың ышаныслы үҫешеүе тураһында һөйләй.

Сараның төп ваҡиғаһы «Ғаилә именлеге - дәүләт сәйәсәтенең өҫтөнлөгө» пленар ултырышы булды, уның модераторы булып Башҡортостандың ғаилә, хеҙмәт һәм халыҡты социаль яҡлау министры Ленара Иванова сығыш яһаны.

Министр әйтеүенсә, бөгөн ғаиләгә сәләмәт йәшәү рәүешен формалаштырыуҙа төп урын бирелә. Баланың үҙ һаулығына һәм тирә-йүндәгеләрҙең һаулығына йылдар үткән һайын эшләгән мөнәсәбәте оло тормошҡа һәм яңы булдырылған ғаиләгә күсерелә. Шуға күрә ғаиләлә һаулыҡты һаҡлау һәм нығытыу мәсьәләләренә айырыуса иғтибар бүлеү мөһим.

Осрашыу барышында үҫеп килгән быуындың һаулығы, репродуктив сәләмәтлекте һаҡлау, балалы ғаиләләргә йүнәлтелгән йәмәғәт һәм шәхси ҡиммәттәр системаһын булдырыу, балалы ғаиләләргә социаль ярҙам сараларын тормошҡа ашырғанда балалар өсөн илебеҙ тауарҙарына ҡулланыусылар ихтыяжын яҡлау мәсьәләләре тикшерелде. Шулай уҡ республиканың Һаулыҡ һаҡлау министрлығы менән берлектә «Башҡортостан Республикаһының асыҡ бала табыу йорто һәм хәстәрлекле ҡатын-ҡыҙҙар консультацияһы» проектының презентацияһы уҙҙы. Ул ауырлы ҡатындарға һәм буласаҡ әсәләргә ҡарата бала табыу йорттарының эшмәкәрлеген камиллаштырыуға йүнәлтелгән.

Форумдың һуңғы көнөндә килеүселәрҙе «НЕПРОУРОКИ» ғаилә ялы» көтә. «Ғаилә» республика ресурс үҙәге белгестәре балаларҙы һәм ата-әсәләрҙе яңы уҡыу йылына әҙерлеккә арналған лекцияларға һәм оҫталыҡ дәрестәренә саҡыра.

«Ғаилә һәм балалыҡ донъяһы» күргәҙмә-форумдың программаһы менән ентекләберәк түбәндәге һылтанма буйынса танышырға мөмкин:

Фото: Башҡортостан Хөкүмәтенең матбуғат хеҙмәте

Сығанаҡ: Башҡортостан Республикаһы гәзите